Kamala Harris yemeje ko ataziyamamariza kuyobora Leta ya California muri 2026
Kamala Harris wahoze ari Visi Perezida wa Leta Zunze Ubumwe za Amerika yatangaje ku wa Gatatu ko ataziyamamariza kuba Guverineri wa Leta ya California mu mwaka wa 2026.
Ubu butumwa bwashyize iherezo ku bibazo byinshi byibazwaga ku byerekeye uko abona iyo myanya, ariko bunatangiye ibindi bibazo ku migambi ye y’ahazaza, cyane cyane nyuma yo gutsindwa na Perezida Donald Trump mu matora ya 2024.
Mu itangazo yashyize ahagaragara, Harris yagize ati: “Ubu, imiyoborere yanjye n’ubutumwa bwa rubanda ntabwo bizaba mu myanya y’ubuyobozi itorerwa. Niteguye kongera gusabana n’Abanyamerika, gufasha gutora abanyademokarate b’intwari bazahangana n’ubwoba, ndetse no gusangiza abantu imigambi yanjye mu mezi ari imbere.”
Nyuma yo gutsindwa na Trump, Harris n’itsinda rye bavuze ko akeneye igihe cyo gutekereza ku ntambwe ikurikiraho. Muri izo nzira zatekerejweho harimo kwiyamamariza kuba Guverineri wa California cyangwa kongera gushaka umwanya wa Perezida mu 2028.
Harris yari ayoboye mu bashoboraga guhatana muri California, aho yari afatwa nk’umukandida ukomeye cyane mu ishyaka ry’Abademokarate. Icyakora, nubwo yari afite amahirwe menshi, hari bamwe mu badepite bo muri iyo leta batari bamushyigikiye uko bikwiye, banahangayikishwaga n’uko kampanye ye yaherukaga kugenda nabi ubwo yiyamamazaga ku mwanya wa Perezida, ndetse ko bishobora kugira ingaruka ku matora y’abadepite bashobora kuzayabangirwamo.
Mu gihe cyo gutekereza ku cyemezo afata, Harris yaganiriye n’abahoze ari ba Guverineri ba California, abasaba inama ku byo yageraho ari ku buyobozi. Yanabajije abamufasha gukora ubushakashatsi kuri izindi nzira zishoboka.
Muri izo nzira harimo:
- Gushinga umuryango udaharanira inyungu (501(c)(4)) uzajya wibanda ku gutanga amakuru y’ukuri no gukangurira urubyiruko kwitabira amatora,
- Gutangiza ikigega cya politiki cyo gufasha abandi bakandida kubona inkunga,
- Gukora urugendo rwo gutega amatwi abaturage mu bihugu byo mu majyepfo y’Amerika, bitegura amatora ya Perezida yo mu 2028.
Yifuzaga gukora ibi byose adafite inshingano za guverineri, kugira ngo abone umwanya n’ubwisanzure.
Mu itangazo rye yagize ati: “Mfite icyubahiro n’agaciro gakomeye ku bantu bihaye umurimo wo gukorera rubanda — baba ab’imbere mu muryango nyarwanda cyangwa mu gihugu. Ariko nanone, tugomba kwemera ko politiki yacu, inzego z’ubuyobozi ndetse n’imikorere y’ibigo byacu bya leta kenshi byarananiwe guhaza ibyifuzo by’abaturage. Tugeze ah’ingenzi, aho tugomba gutekereza uburyo bushya bwo guhindura ibintu, twubakiye ku ndangagaciro zacu ariko tutagombye gukomeza inzira za kera zidatanga umusaruro.”
Ahazaza ha Kamala Harris
Nubwo yemeje ko ataziyamamariza kuba Guverineri, abamwegereye babiri bavuze ko ibyo bidakwiye gufatwa nk’ikimenyetso ntakuka cy’uko azongera kwiyamamaza ku mwanya wa Perezida.
Iyi myanzuro yayifashe nyuma yo kugaruka mu Bwongereza aho yari yagiye mu bukwe bw’umukobwa wa Laurene Powell Jobs, inshuti ye n’umuterankunga we ukomeye.
Hari abagiye bavugana na Harris bamubwiye ko yagaragazaga ko arimo ava mu bitekerezo byo kwiyamamaza. Umwe mu bo yaganiriye na we yavuze ko Harris yumvaga azagira uruhare runini mu gihugu ari hanze y’inzego zitorerwa.
Yari ahangayikishijwe no kuba, aramutse yiyamamaje, yajya mu bibazo by’ubuyobozi bwa buri munsi, bigatuma atabona umwanya wo gutanga umusanzu we mu biganiro bikomeye ku gihugu, cyane cyane no gutekereza ku hazaza h’imiyoborere y’Amerika.
Umwe mu bo baganiriye yagize ati: “Kwiyamamariza kuba Guverineri bisaba kwinjira mu byo inteko ishinga amategeko ya leta irimo gukora, kandi we arakenewe cyane mu biganiro mpuzamahanga bya politiki. Niba azongera kwiyamamaza ku mwanya wa Perezida, ubu ntakeneye gufata icyemezo ako kanya. Ahubwo ashobora gufata umwanya wo kuyobora bundi bushya mu buryo bufunguye.”
Kivu24.rw